Услови на употреба

1. Услугата

Пауза е онлајн платформа на која корисниците објавуваат огласи и стапуваат во контакт меѓусебно. Пауза не е страна во договорот меѓу купувачот и продавачот и не гарантира за точноста на огласите, квалитетот на предметите или исполнувањето на договореното.

2. Корисничка сметка

• За објавување огласи е потребна сметка со потврден телефонски број.
• Сметката е лична и не смее да се отстапува на други лица.
• Вие одговарате за сè што се објавува од вашата сметка.
• Сметката може да ја избришете во секое време од поставките.

3. Огласи

Огласот мора да опишува вистински предмет, услуга или работно место што вие го нудите. Забрането е:

• продажба на предмети чија продажба е незаконска или ограничена;
• лажни, измамнички или двапати објавени огласи;
• содржина што навредува, дискриминира или ги повредува правата на трети лица;
• објавување туѓи фотографии или податоци без дозвола.

Пауза може да тргне оглас или да суспендира сметка што ги крши овие правила, без претходна најава. Огласите истекуваат по 60 дена и може да се обноват.

4. Платени услуги

Премиум огласите се плаќаат однапред за избраниот период. Износот и периодот се прикажани пред плаќањето. Ако премиум оглас биде тргнат поради кршење на условите, платениот износ не се враќа. За проблеми со плаќањето пишете ни во рок од 14 дена.

5. Одговорност

Пауза се нуди „како што е“. Правиме сè да биде достапна и безбедна, но не одговараме за штета настаната од користењето на платформата, од договори склучени преку неа или од привремена недостапност.

6. Промени

Условите може да се менуваат. За поголеми промени ќе ве известиме на е-пошта или со известување на платформата. Продолжувањето со користење по промената значи прифаќање на новите услови.

7. Контакт

Прашања околу условите: contact@pauza.mk. Видете ја и нашата политика за приватност.